Онтарио мужид ажиллаж амьдардаг Монголчууд шинэ жилийн баярын цэнгүүнээ Алтан арслан зоогийн газар зохион байгууллаа. Чимэглэн гоёсон ногоон гацуурынхаа доор, чамин гоё даашинз, костюмоо омссон залуус бүсгүйчүүд маань нэгэн үдшийг хамтдаа өнгөрүүлж холбооны 2011 оны хийсэн ажлын амжилт бүтээлийг дүгнэн цэгнэж ирэх онд хийх ажлуудаа тодорхойллоо.
Холбооны шинэ удирдах зөвлөлийн баг цахим хуудсийг шинэчилэн, бүртгэлийн нэгдсэн формтой болж, Онтарио мужийн сагсан бөмбөгийн аварга шалгаруулах тэмцээнийг анх удаа цом, медальтай болгосны зэрэгцээ гадаад харилцаагаа өргөжүүлэн Азийн болон Канадийн Олон Үндэстэний холбоонд гишүүнээр элслээ. Мөн энэ үеээр холбооны санхүүгийн тайланг олон нийтэд танилцууллаа. Энэ жилээс эхлэн жилд 2 удаа Наадмаар болон шинэ жилээр холбооны санхүүгийн тайланг монголчууддаа танилцуулж эхэлсэн.
2012 онд олон ажлуудыг хийхээр төлөвпөснөөс иргэддээ татвар хэрхэн бодуулах талаар мэдээлэл олгох, их дээд сургууль, коллэжэд суралцахаар сонирхож байгаа залуучуудад зориулан мэдээлэл олгох өдөрлөгийг зохион байгуулах, монголыг дэмжигч гадаадийн группыг наадмийн үйл ажиллагаандаа урьж оролцуулах ажлуудийг хийхээр төлөвөж байгаагаа хэллээ.
Холбооны удирдлагаар ажиллаж байсан Л.Ганболд, П.Нямдаш, Р.Батдэлгэр болон холбоог байгуулах санаачилгийг анх гаргасан С.Дарьбазар нарт англи, монгол дээр хэвлүүлсэн дурсгалын өргөмжлөлийг хадгалуулахаар боллоо. Холбооны ажилд идэвхитэй оролцдог хөтлөгч Болд, холбоонд хамгийн өндөр мөнгөн хандив өргөсөн С.Энхцэцэг, холбооны цахим хүүдасний шинэчлэлийг хийсэн Г.Баттулга нарийг шагнаж урамшууллаа. Холбооны ажлийг дэмжин ажиллаж байдаг, хандив өргөсөн нийт гишүүддээ талархаж байгаагаа үламжилж байна.
Холбооны ажлийг явуулахад цаг зав сэтгэл оюунаа харамгүй зориулж байдаг багийн удирдах зөвлөлийн гишүүд уул шиг түшигтэй Г.Содоо ахдаа, гавшгай хурдан Н.Саруул эгчдээ, нягт нямбай Ц.Цогоодоо, итгэл найдвартай Р.Эрдэнэбилэгтээ, шинэ санаагаар дүүрэн байдаг Ж.Жаргалтуяа эгчдээ холбооны нийт гишүүдийн өмнөөс болон хувиасаа баярласнаа илэрхийлье
.
Гарч байгаа 2012 ондоо айл бүр эрүүл энх, хүн бүр зорилгодоо хүрэх, амжилт бүтээлийн олз омог дүүрэн жил байх болтугай.
Холбооны тэргүүн Ю.Оюунхишиг
Шинэ жилийн зургуудыг сонирхоно уу.
